تقييم برجر عربي من مطاعم الطازج – جدة

تقييم برجر عربي من مطاعم الطازج – جدة

- ‎فيتقارير
@أحمد مساوى

تقييم برجر عربي من مطاعم الطازج – جدة

برجر عربي

تقييم أحمد مساوى

عنوانه: فروع منتشرة في كل أنحاء المملكة تقريباً

الطازج أحد الأمثلة القوية للمطاعم التي ليس لها منافس في مجالها (الفروج الصغير المشوي) وأنا من الناس اللي عندي طقوس معينة مع فروج الطازج والطحينة والبطاطس والخبز الحار الفريش والطحينة حقتهم وأهم حاجة أختمها بالبسبوسة .

وهذي ما راح أقيمها اليوم بسبب حبي لها من وقت ما فتح أول فرع للطازج في مكة ، العزيزية ، مقابل سوق العزيزية ، اللي كان قريب من بيتنا .

اليوم راح أقيم منتج واحد جديد أطلقوه الطازج مؤخراً بعد ما جربته في ثلاث مناسبات مختلفة ، ونتيجة التقييم كالتالي:

١- ساندويتش ” برجر عربي ” السعر (١١ ريال والوجبة ١٦ ريال).

الوصف: ساندويتش بالخبز المميز حق الطازج بداخله شريحة برجر دجاج ومعاه مايونيز وطماطم وخس وشريحتين جبنة ، الدجاج نفسه طعمه واضح وفيه بهارات خفيفة تعطيك الطابع العربي اللي يكمله خبز البيتا المستخدم للبرجر ، كمية الطماطم والخس معتدلة وما غطت على الدجاج زي ما يصير في كثير من المطاعم في ساندويتشات البرجر عموماً ، لكن الخضار والمايونيز أعطوني انطباع البرجر الأمريكي ، يعني حسيت بفيوجن عربي أمريكي في البرجر ، الدجاج مشوي على الفحم وهذي ميزة بسبب نكهة الشواء ، لكن يعيبها صعوبة التحكم في درجة الحرارة والسواء ، وعشان كده مرة جاني البرجر طري وجوسي وسواءه مناسب ، ومرة جاني سواءه زيادة ومقمر وبدأ يصير ناشف.

خيارات الخبز أبيض وأسمر ، والبرجر عادي أو سبايسي.

جربت السبايسي وكانت حرارته مغطية على النكهات ، في رأيي المفروض يتغير نوع الفلفل اللي يستخدموه وكميته.

أكثر شيء عجبني هو توازن كمية الخبز مع المكونات ، يعني ما حسيت ان الخبز كثير مقارنة بالدجاج ولا الخضار ، بالنسبة لي الكميات متوازنة بمثالية رائعة وأفضل آكل هذا البرجر لو حبيت آكل برجر دجاج مشوي.

متوسط السعر للشخص = ١١ إلى ٢١ ريال بالبسبوسة .

إيجابيات:

١- منتج مبتكر
٢- السعر

سلبيات:
١- تذبذب مستوى الشوي
التقييم العام = ١٠/٧

اللي جربه يعملي منشن ويعطيني رأيه في البرجر العربي

تحياتي،،

من هنا ستجد تقييم المزيد  من مطاعم جدة

المصدر ahmadmesawa
كاتب وناقد طعام

عضو: “رابطة صحفيي الطعام” الأمريكية

كاتب في مجلة “ديستينيشن جدة”

‎تعليق واحد

  1. لذيذ مالح قليلاً ..

اترك رد