تقييم مطعم بابا جونز – جدة

تقييم مطعم بابا جونز – جدة

- ‎فيتقارير
@أحمد مساوى

تقييم مطعم بابا جونز – جدة

بابا جونز

تقييم أحمد مساوى

 

عنوانه: لديه عدة فروع وكانت تجربتي الأخيرة لفرعهم في ملاهي الشلال.

غدانا في ملاهي الشلال جزء منه أخذناه من مطعم “بابا جونز” ، السلسلة العالمية الشهيرة للبيتزا اللي مرت بتقلبات في سوقنا  السعودي من أيام الطيبين (مين يفتكر ساندويتشات بابا جونز في سوق الجمجوم في الدور الأرضي).
المهم وضعهم أختلف عن الشيء اللي تعود عليه الطيبين ورجعت السلسلة تنشط بإفتتاحات لفروح كثيرة في مدينة جدة.

قررنا ناخذ صنفين مختلفة عشان نكمل تنوع الغدا وكانت النتيجة كالتالي:

١- بيتزاهاوايان ” (غيرت الديك الرومي بالبيبروني وهذا الأكثر إنتشاراً)

السعر ٢٤ ريال

التقييم ١٠/٧

الوصف: أستغربت انهم حاطين ديك رومي بدل البيبروني ، لكن هذي فكرتهم في استبدال الهام بالتيركي ، البيبروني نكهته حادة زي العادة ويهدئ حدته الجبنة وشوية من حلاوة صوص المارينارا المشع بلون أحمر زاهي ونكهة واضحة ، وحلاوة الأناناس تكسر حدة البيبرون وهذا يخلق تضارب جميل في النكهات ، العجينة أمريكية إيطالية متوسطة المستوى وميالة للقوام الإيطالي أكثر من الأمريكي

٢- طبق ” أجنحة الدجاج الايطالية

السعر ١٨ ريال

التقييم ١٠/٧

الوصف: الأجنحة محمرة في الفرن وقوامها طري ومناسب ، النكهة الايطالية هي نكهة الأعشاب اللي صدمت ذاكرتي من أول لقمة ورجعتني لأيام ما كنت عايش في كمباوند في خميس مشيط وكنت أطبخ حنيذ لأصحابي وأستخدم معاه المرخ  ، بصراحة ما أدري ايش اسم المرخ بالانجليزي وهل بيستخدموه في ايطاليا أساساً ، ولا هذي تأليفة جات بسبب طريق الطبخ نفسها وأعطتها نكهات مقاربة للحنيذ ، النكهة ممتعة لكن بصفة عامة هذا الطبق يصرخ انه يبغى صوص معاه ، لأن الأجنحة لازم تترافق مع صوص عادة أو حاجة تكثر الطعم والقوام عشان لا يكون طعم آحادي طوال الوقت

متوسط السعر للشخص = ٢٨ ريال

إيجابيات:
١- إنتشار كبير
٢- النظافة
٣- جودة المواد الأولية

سلبيات:
١- طلبات محدودة نسبياً

التقييم العام = ١٠/٧

أتمنى أشوف توسع أكبر في خيارات المنيو

تحياتي،،

من هنا ستجد تقييم المزيد  من مطاعم جدة

المصدر ahmadmesawa
كاتب وناقد طعام

عضو: “رابطة صحفيي الطعام” الأمريكية

كاتب في مجلة “ديستينيشن جدة”

اترك رد