تقييم مطعم جوز برجر – جدة

تقييم مطعم جوز برجر – جدة

- ‎فيتقارير
@أحمد مساوى

تقييم مطعم  جوز برجر – جدة

جوز برجر

تقييم أحمد مساوى

عنوانه: لديه عدة فروع مثل ستارز أڤنيو و رد سي مول وشارع حراء وكانت تجربتي لفرعهم في ملاهي الشلال

جاتني دعوة لقضاء يوم مفتوح في #ملاهي_الشلال التابعة لمجموعة فقيه الترفيهية ، وكانت الدعوة تشمل كوبونات نستخدمها في بعض المطاعم داخل الملاهي ، و كويس اننا لسا ما تغدينا .

تفحصنا المطاعم وطلباتها وقررنا في النهاية اننا نأخذ جزء من الغدا من أحد أوائل مطاعم البرجر المتخصصة في جدة وأحد أسباب بداية موضة البرجر ، مطعم ” جوز برجر “.

وكانت النتيجة كالتالي:

١- ساندويتش ” برجر اوريجينال بالجبنة
السعر ٤٣ ريال

التقييم ١٠/٦

الوصف: نوعية اللحم صافية وعلى الأغلب مفرومة في معملهم ، لكن نوع قطعة اللحم نوع واحد أو نوعين من أكثر الأنواع إنتشاراً في صنع البرجر ، وتُعتبر عادية وما فيها شي مميز الا انها لحمة نظيفة ، طريقة شوي البرجر كانت خاطئة لأن العاملة قعدت تضغط على اللحم وأنا أقولها لا تضغطي عليه ، وردت انها بتضغط عشان يخرج الدم من اللحم ، (هذي مشكلة انك تعطي الخبز لسباك) ، سماكة شريحة الطماطم مثالية ، واللحم كان مائل للجفاف بسبب انه أخذ سوا زيادة عن اللزوم والضغط عليه (بعد ما قلت لها خلاص شيلي اللحم ولا كان زمانها قاعدة تشويه لغاية الآن) ، الخبز كان متوسط ومافيه شي مميز.

٢- وجبة ” برجر ميش ماش بالجبنة

السعر ٤٧ ريال

التقييم ١٠/٧

الوصف: هذا البرجر هو سبب شهرة هذا المطعم وهو عبارة عن اضافة قطع صغيرة من الهوتودوق على شريحة البرجر ، وهذا يعطيه نكهة شواء اضافية وطبقة جديدة من النكهات على البرجر ، وهذا احد الساندويتشات المفضلة لكثير من الناس ، لكن برضه شواءه كان زيادة عن اللزوم ، وعموماً أنصح بتناول البرجر عموماً بدون طماطم ولا خس عشان تستمتع بنكهات اللحم بوضوح.

البطاطس ودجز مقرمشة ومناسبة ، وحلقات البصل فيها حلاوة يهدئها صوص الرانش.

٣- مشروب ” ميلك شيك بالشوكولاته “.

السعر ١٥ ريال.

التقييم ١٠/١.

الوصف: فاهمين الموضوع غلط ، قدمو حليب بالشوكولاته وعليه كريمة مخفوقة وسموه ميلك شيك ، ماهم فاهمين ان الميلك شيك لازم يكون آيسكريم..

متوسط السعر للشخص = ٤٥ ريال..

إيجابيات:
١- إنتشار بسيط.

سلبيات:
١- اختلاف المستوى بين الفروع.
٢- تعامل العاملات سيء.
٣- ارتفاع الأسعار.

التقييم العام = ١٠/٦

أتمنى انهم يدربوا عمالتهم مضبوط عشان يكون مستواهم ثابت ولا ينحدر .

من هنا ستجد تقييم المزيد  من مطاعم جدة

المصدر ahmadmesawa
كاتب وناقد طعام

عضو: “رابطة صحفيي الطعام” الأمريكية

كاتب في مجلة “ديستينيشن جدة”

اترك رد